Over tretti deltakarar var med på årets fyrste løp i Vinterkarusellen, som var det femte denne sesongen. Nokre nye påmelde var det også. Det var nokre minusgrader og kald, bitande vind. På idrettsparken var det salta og skrapt. Men det var ikkje lett å få godt feste, naturleg nok. Is med strøsand var det på vegen opp til riksvegen. Riksvegen var bàr. Men vinden hadde løparane med seg heile tida. Det var imponerande innsats av alle, store som små. Nokre mødre sprang også med barnevogn. Alle kom vel gjennom løpet, sjølv om vèr og føre ikkje innbaud til nye rekordar. Men gode tider vart det jamvel.

Etterpå var det trekning av fem gilde premiar, der hovudpremien var eit gåvekort på Mo Sport i Norheimsund. Neste løp vert tysdag 23. januar klokka 19.  

Resultat 5. løp 2. januar 2024