Veninnene Marilen Lygre og Kristine Nordtveit hadde også denne tysdagskvelden teke turen frå Nordtveitgrend til Strandebarm for å springe vinterkarusellen. Dei hadde ein fin trimkveld på karuselløpet. Raskast av kvinnene var Torild Kveberg på 18,25, føre Hilde Brekke Kolltveit og Rita Gjerde. Unggutane Otto Femsteinvik - Hatlestrand, Tobias Græsdal Pedersen - Norheimsund og Sondre Svåsand Måge frå arrangørklubben, var blant dei alle fyrste av herrane som sprang i mål. Raskast av mennene var allikevel veteranen Ove Måge på tida 15,25.

Tradisjonen tru var det trekking av gåvepremiar etter løpet. Den gjevaste på kr. 500,- til bruk på Mo Sport i Norheimsund vart vunnen av Gunnar Mundheim. Dei populære vinterkarusellebuffane vart vunne av Torild Kveberg og Bjørg Vågsnes,medan Annhild Oma og Dagny Ljostveit vann forundringsposane med diverse innhald.

​Neste karuselløp er tysdag 16. februar klokka 19 på Strandebarm Idrettspark. Då er ein allerede komen fram til det nest siste karuselløpet denne sesongen.

Resultat løp 6, 26 januar 2016